Það sem aðrir hafa að segja um Ferðalagið
„Þú lærir meira um sjálfa þig og trúir meira á sjálfa þig og líður vel eftir að lesa bókina. Bókin var skemmtileg upplifun“.
„Bókin er skemmtileg og fyndin. Best af öllu er samveran með fjölskyldunni“
Hildur Eva,
13 ára
Krista og Kasper,
9 ára
„Ferðalagið er skemmtileg og fróðleg bók sem þörf er á fyrir unga krakka sem eru að læra á lífið“
„Ferðalagið er falleg og uppbyggileg bók sem nýtist börnum sem fullorðnum, bæði til afþreyingar og sjálfsræktar“
Eydís Eyland
og Kári Finnson,
foreldrar
Bergljót Gyða Guðmundsdóttir,
sálfræðingur og lektor við HÍ
UM FERÐALAGIÐ
UPPBYGGILEG STYRKLEIKABÓK
Ferðalagið, eftir Jakob Ómarsson, er skemmtileg og uppbyggileg styrkleikabók fyrir börn á aldrinum 8 til 13 ára. Börnin leggja af stað í ferðalag með kettinum Akílu til að kynnast sjálfum sér og sínum styrkleikum betur. Á meðan ferðast er um kafla bókarinnar eru ýmis hugtök kynnt, áhugaverð verkefni leyst og velt upp spurningum um samskipti, sjálfsmynd og lífið sjálft.
Bókin býður upp á yndislega samverustund foreldra og barna. Markmið Ferðalagsins er að hjálpa foreldrum og börnum að styrkja sjálfsvitund barnsins og samkennd þess, með opinni samræðu, styrkleikakortum, heilræðum og skemmtilegum leik. Bókinni fylgja fjölmörg styrkleikakort með útskýringum fyrir börn.
Bókin er fallega myndskreytt, skemmtileg og stútfull af fróðleik fyrir forvitna krakka.
UM STYRKLEIKAKORTIN
63 STYRKLEIKAKORT FYLGJA
Ferðalagið er alls engin venjuleg bók! Fyrir það fyrsta þá kemur hún í kassa sem lítur út eins og ferðataska og svo fjallar bókin að mestu um barnið sem les bókina. Bókinni fylgja 63 styrkleikakort sem eru sérstaklega hönnuð með börn í huga.
GAGNVIRK BÓK
Ferðalagið er gagnvirk bók en það þýðir að á meðan barnið er að ferðast um kafla bókarinnar þá lærir það gagnleg hugtök, gerir áhugaverð verkefni og safnar styrkleikakortum. Í lok hvers kafla bókarinnar mun barnið opna hólf en á bak við þau eru styrkleikakort.
STYRKLEIKAKORTIN ERU HÖNNUÐ
MEÐ BÖRN Í HUGA
Til þess að auðvelda barninu að skilja kortin eru útskýringar á hverjum styrkleika fyrir sig og auk þess er hann notaður í setningu. Til gamans fylgir einnig tilvitnun eða spakmæli sem mætti tengja við styrkleikann.
STYRKLEIKAÆFING Í LOK BÓKAR
Í lok Ferðalagsins þegar barnið hefur safnað öllum styrkleikakortunum er komið að því að barnið gerir lokaæfinguna. Lokaæfingin gengur út á að barnið velur sér þá styrkleika sem því þykir það búa yfir, styrkleika sem það mætti mögulega bæta og svo velur foreldrið nokkra sem því finnst vera styrkleikar barnsins. Allt er þetta gert til að gera barninu grein fyrir því að þessir flottu eiginleikar séu styrkleikar þess!
TILNEFND TIL ÍSLENSKU
BÓKMENNTAVERÐLAUNANNA
Styrkleikabókin Ferðalagið var tilnefnd til hinna virtu Íslensku Bókmenntaverðlaunanna. Þetta er okkur gífurlegur heiður og á eftir að hjálpa okkar litlu útgáfu að dreifa þeim góða boðskap sem Ferðalagið býr yfir.
UMSÖGN DÓMNEFNDAR
,,Bókin er skemmtileg lesning og hvetur til aukins tilfinningaþroska. Aukaefni fylgir bókinni sem útskýrir efni hennar og nýtist við lesturinn. Framsetning bókarinnar gerir hana að einstakri frumraun."
DAGUR GEGN EINELTI
Dagurinn 8. nóvember ár hvert er dagurinn gegn einelti. Helgast því dagurinn meðal annars af baráttunni gegn einelti í skólum, frístundaheimilum og félagsmiðstöðvum. Á þessum degi er vitundarvakning á afleiðingum eineltis og samfélagið hvatt til þess að taka höndum saman gegn ofbeldinu sem einelti er.
FERÐALAGIÐ VALIÐ SEM GJÖF TIL SKÓLA OG FRÍSTUNDAHEIMILA
Í ár hlotnast okkur sá heiður að Ferðalagið var valið af Vinsamlegu samfélagi (Reykjavíkurborg) sem gjöf til skóla, frístundaheimila og félagsmiðstöðva í borginni. Bókin er þar góð viðbót við í verkfærakistu starfsfólks grunnskóla, frístundaheimila og félagsmiðstöðva í vinnu með jákvæð samskipti og félagsfærni barna.
VILTU VITA MEIRA?
NÝTA FERÐALAGIÐ Í KENNSLU?
FLEIRI SKRÁNINGARSPJÖLD OG ÆFINGAR
Hefur þú áhuga á að prenta út fleiri skráningarspjöld, æfingar eða samningin um órjúfanlegu reglunar sem fylgja með Ferðalaginu. Ef svo er þá getur þú nálgast þau hér að neðan:
